الفرق الحقيقي بين السوبر الناعم والمحبب

ناس كتيررر ما تعرفش الفرق الحقيقي بين السوبر الناعم والمحبب وما تعرفش أمتا تستخدم دا وأمتا تستخدم دا

• إن فيه مزارعين كتير جدا مش بتعرف تستخدمه صح

البوست دا مهم جدا لأن السوبر فوسفات واحد من أهم المنتجات المسؤوله عن توفير عنصر الفسفور للنبات وعنصر الفسفور من العناصر الكبري المهمه جدا والتي يتوقف عليها كميه وجوده المحصول 🌱

قبل ما نعرف إذاي نستخدمهم صح لازم نعرف الفرق بينهم :

سوبر فوسفات ناعم

بيحتوي علي من 12.5 : 15 في الميه فسفور (P2 O5)

وهنا التصنيع الخاص بالمنتج بيكون عن طريق إضافة حامض الكبريتيك إلي صخور الفوسفات وبينتج عنها سوبر الفوسفات الناعم

وهنا المنتج بيكون قليل النقاوه وبه شوائب علي صورة كبريتات الكالسيوم “الجبس الزراعي” .
وهنا السعر بيكون أقل نسبيا من السوبر المحبب .
وبيكون ذوبانه أسرع من المحبب.

السوبر فوسفات _ المحبب ” التربيل” الثلاثى

وهنا نسبة الفسفور بتكون 3 أضعاف السوبر الناعم “الأحادي” وبتصل ل45 في الميه(P2 O5) تقريبا

وهنا التصنيع بيكون عن طريق إضافة حامض الفوسفوريك إلي صخور الفوسفات .

وهنا المنتج بيتميز إنه أعلي في النقاوه وأقل في نسبة الشوائب .
والسعر بيكون أعلي من السوبر الناعم .
والذوبان بيكون أبطي من الناعم.

✅أمتا تستخدم دا وأمتا دا :

سوبر فوسفات ناعم

في المحاصيل التي تأخذ فترة قصيرة في التربه “من 3 :4 شهور”
ودا بيرجع لإنه سريع في التحلل .

السوبر فوسفات _ المحبب ” التربيل” الثلاثى

الإستخدام هنا يفضل للأشجار أثناء الخدمة

المزارعين إلي بتزرع محصولين أو ثلاثة علي نفس الخط أو المسطبه لازم تستخدم المحبب عشان يدي معاك علي أطول فتره ممكنة .

ازاى تستخدمهم صح

سواء كنت ها تستخدم دا أو دا فلازم ينضافوا مع خدمه ما قبل الزراعة أو مع الخدمة العضويه مع لو هتضيفه لأشجار .

مفيش أي إستخدام تاني ليهم غير كدا .
يعني مينفعش تقولي ها أرش منقوع سوبر لإن السوبر لا يذوب في الماء .
ولإن السوبر عشان يتحول لصوره يرها النبات لازم يتحلل في التربه عن طريق بكتريا والعمليه دي بتاخد فتره .

ملحوظة مهمه جدا جدا جدا :
كفائة تحلل السوبر إلي صوره يرها النبات ويستفيد بيها بيرجع إلي كفائة عمل النظام البيولوجي في التربة .
يعني الأرض الطينية ها يكون استغلال السوبر فيها أفضل من الرمليه والأرض التي يضاف لها مادة عضويه مع السوبر هيكون الإستغلال أفضل بكثير جدا .

ملحوظة مهمه أيضاً:
يفضل إستخدام السوبر المحبب مع الأرض الرملية لكي لا يتم غسيله بسهوله مع ماء الري

منقول
مهندس زراعي – طارق أبوشوشة